Man Runs 70 Kilometers for East Iceland Cancer Society

Hljóp sjötíu kílómetra fyrir Krabbameinsfélag Austurlands

„Ég er að þessu til að styrkja Krabbameinsfélag Austurlands. Krabbamein snertir svo marga. Ég hef heyrt að það séu mjög margir sem vita ekkert af félaginu og ég er í rauninni fyrst og fremst að vekja athygli á því.“ Þetta segir Björn Benedikt Andrésson, ungur Borgfirðingur, sem hljóp á milli Egilsstaða og Borgarfjarðar eystri í dag fyrir Krabbameinsfélag Austurlands. Björn fékk góðan félagsskap hluta leiðarinnar, sem er um 70 kílómetrar.