Hætta á snjóflóðum til fjalla

Nokkur snjóflóð hafa verið skráð af ofanflóðavakt Veðurstofu Íslands í dag. Snjóflóðin þykja ekki meiri háttar en víða á landinu er mikið fannfergi. Töluverð hætta er til fjalla í Eyjafirði, á Tröllaskaga og á Austfjörðum vegna snjóflóðahættu. Nokkur hætta þykir á Suðvesturhorninu og norðanverðum Vestfjörðunum. Ofanflóðavakt skráði til að mynda hjá sér flekaflóð í Móskarðshnjúkum en athygli var vakin á því í Facebook-hópnum Snjóflóðatilkynningar. Vélsleðaför eru í hlíðinni og líklegt þykir að...